ঐহাকনা ঈপুরোয়গা করমনা চুমথোকমিন্নবা ঙমগনি?

ঈপুরোয়গা “চুমথোকমিন্নবা” ঙমনবা মরমগী, ঐখোয়না অহানবমক্তদা “অরানবা” হায়বসি করিনো মশক খঙদোক্কদবনি। পাওখুমদি পাপ হায়বসিনি। “অফবা তৌবা কনাসু লৈতে, লৈতে, অমত্তা লৈতে” (লাইশোন ইশৈ 14:3)। ঈপুরোয়গী য়াথংশিং ঐখোয়না য়ানিংখিদে; ঐখোয় ঐখ্রবনি “মাঙখ্রবা য়াওশিংগী মতৌগুম” (ইসাইয়া 53:6)

পাপ কীদমক শিবা হায়বসি নুঙাইতবা পাওনি। “পাপ তৌরুবা থৱায় অদু, শোয়দনা শিগনি” (ইজেকেল 18:4)। ঐখোয়দা অরান খুবম পুরকনবা মরমগী নুংশিগনবা ঈপুরোয়না ঐখোয়বু তত্তনা পুকনিং ফাজিলহল্লি হায়বসি নুঙাইবা পাওনি । যীশুনা লাওথোকখ্রবা মহাক্কী ওইহন্নিংবা থবক্তি “মাঙখ্রবা মহাক অদুবু থিবা অমসুং লানবীবা” হায়বসি ঐরমই (লুক 19:10), অমসুং মহাক্কী ওইহন্নিংবা থবক অদু মহাকনা পাং মথক্তা শিবা মতমদা “হৌজিক্তি লোইরে” (যোহন 19:30) হায়বা ৱাহৈশিং অসিগা লোয়ননা মপুং ফারে হায়না লাওথোকখি।

ঈপুরোয়গা অফবা মরী অমা থমমিন্নবা হায়বসি ইশাগী পাপ ইশানা খঙবদগী হৌরকই। মথংদা ঈপুরোয়গী মফমদা পাপ অদুবু নোল্লুকনা হায়দোকপা হায়বসিনি (য়সাইয়া 57:15) লোয়ননা পাপ অমুক তৌদনবা পুকনিং লেপ্পা হায়বসিনি। “অরান খুবম ফংননবা মচিন্না হায়দোকচৈ” (রোমীয় 10:10)

হায়দোকচবা অসিদা লাইনিং য়াওগদবনি। অতমননা, যীশুনা মশামক কতথোক্তুনা শিবা অমদি অঙকপগা লোয়ননা হিংগতলকপা অসিনা মহাক অদোমগী লানবীহৈবা মপু ওইবদা মতিক চারবনি। “অদোমনা অদোমগী চিননা, যীশুবু অদোমগী মপু ইবুঙোনি হায়দোকচবগা লোয়ননা অশিবশিং মরক্তগী ইবুঙোবু ঈপুরোয়না হিংগতহনবীখ্রে হায়বসি ইপুকনিংদা থাজরবদি, অদোমবু লানবিরগনি” (রোমীয় 10:9)। যোহন 20:27; পাখোনচতপশিং গী থবক 16:31; গালাতীয়া 2:16; 3:11; 26; অমসুং এফিসিয়া 2:8 শিং অসিদা লাইনিং মথৌ তাবগী ৱা য়ামনা য়াওরি।

ঈপুরোয়গা চুমথোকমিন্নবা হায়বসিমক অদোমগীদমক ঈপুরোয়না তৌবিখিবা অদুগী য়েংলগা অদোমনা পাওখুম্বগী ৱাফমনি। মহাকনা লানবীহৈবা অদুবু থাবীরকখি, মহাকনা ঐখোয়গী পাপ কোকপিনবা মশা কতথোকহনখি (যোহন 1:29), অমসুং মহাকনা অদোমদা ৱাশক অসি থমলি: “ইবুঙোগী মিং শোনজবা খুদিংমকপু লানবীগনি” (পাখোনচতপশিংগী থবক 2:21)

ইরাল হায়দোকচদুনা ঙাকপীয়ু হায়জবগী ফজনা য়েকথোকলবা অমদি ওক্তবা মচানিপাগী পাওরৌ ৱারী অসিনি (লুক 15:11-32)। মচানিপা অতোনবা অদুনা মপানা পিবিবা লন থুম ঈকায়নিঙাই মশক্কী পাপ তৌদুন মাঙহনখি (পরেং 13)। মহাক্কী অরানবা অদু মশানা খঙলকপা মতমদা, মহাক ময়ুমদা হল্লকখি (পরেং 18)। মহাক অমুক হন্না মচানিপা অমা ওইবদা মতিক চাদ্রে হায়না মশানা খঞ্জখি (পরেং 19), অদুবু মদু মহাক্কী অরানবা ৱাখল ওইখি। মপা অদুনা হান্নগা চপ মান্ননা হল্লকলিবা লমহেনবা মচা অদুবু নুংশিবিখি (পরেং 20)। মরাল পুম্নমক ঙাকপিখি, অমসুং চাকলেন অমা চামিন্নখি (পরেং 24)।

ঈপুরোয়দি মশাগী ৱাশক চপ চান ঙাকপনি, ঙাকপিগনি হায়খ্রবদি ঙাকপী। “পুকনিং হনথরবশিংদুগী মনাক্তা লাইনিংথৌনা নক্না লৈবি, অমসুং আশা লৈজদ্রবশিংদুসু ইবুঙোনা কনবি” (লাইশোন ঈশৈ 34:18

অদোমনা ঈপুরোয়গা চুমথোকমিন্নবা পামলবদি, অশেম্বা লাইশোল অমা লৈ। নিংশিংবীয়ু, লাইশোল অসি নত্রগা অতোপ্পা লাইশোল অমা হায়বনা অদোমবু কনবিবা ঙমলোই। খৃষ্টদা থাজবা থম্বখক্তনা অদোমবু পাপতগী কনবীবা ঙমগনি। লাইশোল অসি অদোমদা অরান খুবম পীবীনবা অদোমনা ঈপুরোয়বু থাজবা অমসুং মঙোন্দা তৌবীমল খঙবা উতপা ওইনা মহাক্কী মফমদা হায়জনবগী ঈচম চম্বা মওং অমনি।

‘‘ঈপুরোয়, নহাক্কী মফমদা ঐহাক লাল্লুরে হায়বা ঐহাক খঙজৈ অদুনা মসিগীদমক ঐহাকপু চৈরাক পীবীবা য়ারবনি। অদুবু ঐহাকনা ফংগদবা চৈরাক অদু যীশু খৃষ্টনা ফংবীখিবদগী মহাকপু থাজরুবগী মপান্না ঐহাকপু ঙাকপীরে। ঐহাক ঐহাক্কী পাপতগী মায় লৈথোকচরে অমসুং অরান খুবমগীদমক্তা নহাক্কী মফমদা থাজবা থমজরি। নহাক্কী অঙকপা ফংলবা থৌজাল অমসুং ঙাকপীহৈবা অসিগীদমক নহাকপু থাগতচরি-মসিনি লোমনাইদবা পুন্সিগী খুদোল! আমেন!’’