লাইরৈপাক য়ৌনবা অমত্ত ঙায়রবা লম্বেল যীশুরা?

“ঐহাক মপুং ওইনা অফবা মীশক অমনি, অদুনা ঐহাক লাইরৈপাক চতকনি।’’ “অশেঙবমকনি, ঐহাক ফত্তবা থবক খরদি তৌই, অদুবু ঐহাক অফবা থবকনা হেন্না তৌই, অদুনা ঐহাক লাইরৈপাক চতকনি।’’ “ঈপুরোয়না ঐহাকপু বাইবল শাগোন্নদে হায়দুনা নোরোক্তা থাব তৌরোই। মতমসে য়াম্না হোংখ্রে!” “তশেংনমক্কী ফত্রে খঙনরবা অঙাংবু ওত নৈবা অমদি মীহাতপা মখোয়শিং অসিতমক নোরোক্তা চতকনি।’’

হায়রিবশিং অসি মী অয়াম্বগী মরক্তা চুমই লৌনবা ঙাক্তনি, অদুবু অচুম্বা নত্তে, মীনম্বা ঙাক্তনি। মালেমসিবু পাল্লিবা, সৈতান, হায়রিবসিনা ঐখোয়গী কোক্তা ৱাখলশিং অসি চঙহল্লি। মহাক, অমসুং মহাক্কী লম্বীদা চতপশিং, ঈপুরোয়গী য়েক্নবনি (1 পিতর 5:8)। সৈতান্না মশামকপু মতম চুপ্পদা অফবা শাই (2 কোরিন্থীয় 11:14), অসুম্না ঈপুরোয়গী নত্তবা মী পুম্নমক মহাক্না খুদুম চল্লি। “ঈপুরোয়গী মশক ওইরিবা খৃষ্টগী মতিক মঙালগী অফবা ৱাপাওগী মঙাল অদু ঙান্থোক্তননবা, মখোয়গী মরক্তা থাজদবশিংগী পুক্লিংবু তাইবংপানবা অসিগী লাই সৈতান অসিনা মিত তাংহললে” (২ কোরিন্থীয় 4:4)।

পাপ মচা মচাশিং তৌববু ঈপুরোয়না থৌশাদে, অদুগা নোরোক হায়রিবসিসু “ফত্তবা” মীওইশিংতগীনি হায়না থাজনরিবসি মীনম্বনি। পাপ পুম্নমক্না ঐখোয়বু, “খজিক্তং ঙাইহাক্তং” ঙাঙবফাওবদা ঈপুরোয়দগী তোখাইনা থমই। মী খুদিংমক পাপ তৌই, ফনা ফবা ঐদুনসু মশানা হোতনরগা লাইরৈপাক য়ৌবা ঙমগদবা মী অমত্তা লৈতে (রোমীয় 3:23)। লাইরৈপাক য়ৌবা হায়বসি অফবা থবকনা ফত্তবা থবক্তগী য়াম্না হেন্না তৌরগা য়াব নত্তে: মসিদা য়ানরবদি ঐখোয় পুম্নমক মাঙবা শোয়দে। “অসুমনা মসি ঈপুরোয়গী থৌজালগী মপান্না ঐরবদি, থবক্তগী অমুক ঐররোই, নত্রবদি থৌজাল অদু থৌজাল অমুক ওইদ্রে (রোমীয় 11:6)। লাইরৈপাক য়ৌবা লম্বী খঙনবা ঐখোয়না তৌবা য়াব অফবা অমত্তা লৈতে (তিতা 3:5)।

নখোয় অখুবা থোঙ অদুদা চঙউ। নোরোক তম্বা লম্বী অদুদি পাকপনি, অদুগা থোঙ্গাল অদুসু লাওবা মরমনা মী অয়াম্বনা মদুদা চঙনিংই (মাথি 7:13)। পাপকী পুন্সিদা লেল্লিবা, অদুগা ঈপুরোয় থাজববু ময়াম্না পামনদে হায়দুনা থৌওইদ্রবা, মী খুদিংমক ঈপুরোয়না কনবীবা তৌরোই। মসিগী মনুংদা, তাইবংপাল অসিগী লীচত মাতুংইন্না, অতিয়াগী পাঙ্গলগী মপু, হায়বদি হায়বা ইন্দবগী মচাশিংদা হৌজিক থবক তৌরিবা থৱায়গী মতুংইন্না, নখোয়না মমাংঙৈদা চতলমই (এফিসি 2:2)।

ঈপুরোয়না মালেম অসিবু শেমখিবা মতমদুদা খুদিংমক মপুং ফারমই। খুদিংমক অফবা ওইরমই। মথংদা মহাক্না আদম অমসুং ইব শেমখি, মখোয় মশাগী অপাম্বা তৌহনখি, মরম অদুনা ঈপুরোয়না হায়বা ইনগদ্রা নত্রগা ইল্লোইদ্রা মখোয় মশা মশাগী অপাম্বগী মখা পোল্লমই। অদুবু ঈপুরোয়না ইহান হান্না শেমখিবা মী ওইখিবা, আদম অমসুং ইব, সৈতান্না ইনশিনবদগী ঈপুরোয়না হায়বা ইনখিদে, অদুনা পাপ লঙজখি। মসিনা মখোয়বু (মখোয়গী তুংদা লাকখিবা মী খুদিংমক, ঐখোয় য়াওনা) ঈপুরোয়গা নক্নবা মরী থম্বা ঙমহন্নদ্রে। মহাক্তি মপুং ফাবনি, অমসুং অশেঙবনি, অদুনা অরানবা তৌববু ৱায়েনবা ঙমগনি। পাপচেনবা ওইনা, মসিদা ঐখোয়না ঐখোয় ইশাগী ঐনা করিমত্তা তৌবা ঙমদে। মরম অসিনা, ঈপুরোয়না মহাক্কা লোয়ননা লাইরৈপাক্তা লম্বী অমা শেম্বীরে। “মরমদি ঈপুরোয়না মালেম অসিবু অসুক্কী মতিক নুংশিজৈ মদুদি মহাক্না মহাক্কী অমত্তা ঙায়রবা মচানিপাবু ঐখোয়দা পীনবীরে, হায়বদি মহাকপু থাজবা মহাক অদু মাঙখিবদি লায়রদুনা লোমনাইদবা পুন্সিদুম ফংগনি (যোহন 3:16)। ‘‘মরমদি পাপ তৌরুবগী মহৈদি শিবা হায়বসিনি, অদুবু ঐখোয়গী মপূ ইবুঙো যীশু খৃষ্টগী মতেঙনা ঐখোয়বু লোমনাইদবা পুন্সিদা হিংহল্লি’’ (রোমীয় 6:23)। ঐখোয় অমুক হন্না পাপ চেন্দনবা ঐখোয়দা মহাক্না লম্বী অদু তাক্নবা অমদি পাপকীদমক শিদোক্নবা যীশু পোকখি। মহাক্না শিবা মতুং নুমিত হুমনি শুবদা, মহাক মোংফমদগী হৌগতলকখি (রোমীয় 4:25), অশিবা মায়থিবা পীরবনি উতখি। ঈপুরোয়গা মীওইবগা লৈনবা মরীগী অহাঙবা মেনশিনখি অমসুং অসুম তৌদুনা ঐখোয়না থাজবখক্তনা ইবুঙো মহাক্কা হকথেংনবা মরী অমা থম্বা ঙমগনি।

“অমসুং অশেঙবা অমত্তা ঙায়রবা ঈপুরোয় অমসুং ঈপুরোয়না থাবীরকখিবা যীশু খৃষ্টবু মশক খঙবা- অসিমক লোমনাইদবা পুন্সিদা হিংনবগী লম্বীদুনি- (যোহন 17:3)। সৈতাননা তৌবগুম, মী অয়াম্বনা ঈপুরোয়দা থাজবা থমই অদুবু অরান খুবম ফংনবা, ঐখোয়না ঈপুরোয়দা মায় ওনশিনগদবনি, হকথেংনবা মরী অমা শেমগনি, ঐখোয় ঐখোয়গী পাপশিংদগী মায় লৈথোক্তুনা ইবুঙো মহাক্কী মতুং ইনগনি। ঐখোয়গী লৈজরিবা অমদি তৌজরিবা খুদিংমক্কা লোয়ননা যীশুদা থাজবা থমগদবনি। “ঈপুরোয়দগী লাইনিং চেতপদু যীশু খৃষ্টবু থাজবগী মপান্না থাজবা পুম্নমক্তা ওইবিরি। মরমদি করিসু তোঙানবা লৈতে”(রোমীয় 3:22)। বাইবেলনা তম্বী মদুদি খৃষ্টদা নত্তনা অরান খুবম ফংনবা অতৈ লম্বী অমত্তা লৈতে। যোহন 14:6 তা যীশুনা হায়, “লম্বী অদুসু, অচুম্বা অদুসু, হিংবা অদুসু ঐহাকনি। ঐহাক য়াওদনা, তাইবং মীওইবা কনানা ঈপাগী নাক্তা লাকপা তৌরোই।’’

যীশু অরান খুবম ফংনবগী অমত্তা ঙায়রবা লম্বী অদুমক্নি মরমদি মহাক ঐখোয়না তৌরুবা পাপকী মমল পীবা ঙম্বা অমত্তা ঙায়রবা মীশক অদুনি (রোমীয় 6:23)। অতৈ লাইনিং অমত্তনা পাপকী মরেপ নত্রগা অমাঙবা অমদি মসিদগী ফংলকপা মহৈশিং তম্বীদে। যীশু খৃষ্ট খক্তনা পীবা ঙম্বা পাপকী মপাল নাইদবা মমল অতৈ লাইনিং অমত্তনা পীদে। অতৈ “লাইনিং হৌদোকখিবা” অমত্তনা ঈপুরোয়বু মী ওইহনখিদে (যোহন 1:1,14)- মপাল নাইদবা লন্দোল অমা পীবা ঙম্বা অমত্তা ঙায়রবা লম্বীনি। যীশু ঐখোয়গী লন্দোল পীবা ঙম্নবা ঈপুরোয় ওইবা তাখি। যীশু শিবা ঙম্নবা তাইবং মী ওইবা তাখি। অরান খুবম হায়বসি যীশু খৃষ্টদা থাজবা থমলবা খক্তদা ফংগনি! “অতৈ কনাগীদসু অরান খুবম লৈতে, মরমদি মদুগী মপান্না ঐখোয়বু কনবীগদবা মীশিংগী মরক্তা পীরবা অতৈ মিং অমত্তা অতিয়াগী মখাদা লৈতে (পাখোনচতপশিং থবক ৪:১২)।

অদোমনা যীশু খৃষ্টবু অদোমগী লানবীবা মপু ওইনা লৌশিনবা পাম্বীরবদি, ইথোক্লবা লাইশোল অমা লৈ। নিংশিংবীয়ু, লাইশোল অসি নত্রগা অতোপ্পা লাইশোল অমা হায়রগা অদোমবু কনবীবা ঙমলোই। খৃষ্টদা থাজবা থম্বখক্তনা অদোমবু পাপতগী কনবীবা ঙমগনি। লাইশোল অসিদি অদোমদা অরান খুবম পীবীনবগীদমক অদোমনা ঈপুরোয়বু থাজবা অমসুং তৌবীমল খঙবা উৎপদুবু মহাক্কী মফমদা ফোংদোকনবগী ইচম চম্বা মওং অমনি।

‘‘ঈপুরোয়, নহাক্কী মফমদা ঐহাক লাল্লুরে হায়বা ঐহাক খঙজৈ অদুনা মসিগীদমক ঐহাকপু চৈরাক পীবীবা য়ারবনি। অদুবু ঐহাকনা ফংগদবা চৈরাক অদু যীশু খৃষ্টনা ফংবীখিবদগী মহাকপু থাজরুবগী মপান্না ঐহাকপু ঙাকপীরে। ঐহাক ঐহাক্কী পাপতগী মায় লৈথোকচরে অমসুং অরান খুবমগীদমক্তা নহাক্কী মফমদা থাজবা থমজরি। নহাক্কী অঙকপা ফংলরা থৌজাল অমসুং ঙাকপীহৈবা অসিগীদমক নহাকপু থাগৎচরি-মসিনি লোমনাইদবা পুন্সিগী খুদোল! আমেন!’’